【識食之人】
味道2/10
服務5/10
價錢4/10
型廚餐廳名氣夠；品嘗過後愁住走
係銅鑼灣,想起有間意大利餐廳開左一段時間,但又未去試過,碰碰運氣，見到唔使排隊等位bor~就決定上去一試！！
上面環境昏暗,環境氣氛相當好,稍一坐底,侍應比上餐牌同時,開始講當晚special,我唔介意侍應講解,但你一輪咀又細聲而隔離枱又講得大聲,我根本聽唔到你講乜=_="
意式磨菇芝士炸飯
外層炸得好脆,表面舖上芝士,配上辣蕃茄醬，咬落去口感帶實,飯粒煙韌,目測只有磨菇碎,不過磨菇香味同味道就相當出！ 整體味道特別~唔錯！
本店著名鮮蝦偏意粉
其實我唔係好想叫呢個,因為有火箭菜,我覺得火箭菜味道怪怪的。。。
未擺入口就聞到陣陣蕃茄味,見到個蕃茄汁有好多核,睇得出用上鮮茄做汁,意粉偏硬身,帶點粉粉地感覺,鮮蝦size普通，不過食得出鮮味同點點蒜味,味道酸酸辣辣~普通啦
10安士西冷牛扒
薯條食落好似卡樂B薯條，薯味夠帶點鹹味好食,彩虹沙律有甘荀同紫椰菜，醬汁係酸忌廉,味道好麻麻。。牛排選擇Medium,有一陣煙燻過香味,但一咬落去就feel到瀨野。。好硬,欠肉汁。。同咬特厚牛肉乾無分別,醬汁淡唔緊要,因為食令既steak只面一點點岩鹽或黑椒或黃芥辣已經好足夠,我唔清楚係牛既品質還是廚師問題。。。我只覺得成件事錯哂！
埋單既時候睇到無硬性加一服務費,卻有自己圈小費,e....咁似返大陸按摩咁既=_=
坦白講,究竟係jamie oliver無好好控制品質？
還是jamie oliver餐廳只係虛有其名？
我睇唔清。。。望唔透。。。
不過以比呢個價錢食西餐,銅鑼灣有更多更好既選擇。。。完！
鐘意呢個post既就Like我Page同Share啦！
銅鑼灣 jamie italian
Search